Eskualdeko Bulego 21ak laguntzea

Aldundiak dirulaguntzak ematen ditu 2006. urtetik, Tokiko Agenda 21eko ekintza planak eskualde mailan kudeatu nahi dituzten udalentzat, beren artean eskualde mailako ekintza plana kudeatuko duen pertsonal teknikoa kontratatu eta partekatzeko.

Jarduera horrekin laguntza espezifikoa eman nahi zaie udalerri txikiei, gehienak landatarrak eta ohikoak Gipuzkoan. Udal horiek zailtasun bereziak dituztela kontuan izanik, Foru Aldundiak laguntza ematen die, TA21eko ekintza planak kudeatuko dituzten giza baliabideak eta teknikoak hartzeko. Hala, eskualde mailako egiturak eratu dira tokiko ekintza planak eskualde mailan kudeatzeko; egitura horri esker, udalerri txiki horiek pertsonal teknikoa partekatzen dute, dela udal ekintzak gauzatzeko eta jarraitzeko, dela ekintza planetan integratuta dauden eskualde mailako jarduerak burutzeko.

TA21en jarraipena egiteari dagokionez, honakoak dira egitura horiek betetzen dituzten eginkizun nagusiak:

Bulego hauetan parte hartzen duten udaletan TA21eko ekintzak ezartzeko eskatzen diren dirulaguntzak kudeatzea.
Herritarren parte-hartzea sustatzea.
AL21ak ezartzeko prozesua kudeatu, MUGI 21 aplikazioaren bidez. Udalsarea 21eko udal guztien eskura dagoen erreminta horrek zerbitzu eta programa partekatuetara sartzeko aukera ematen du.
Udaletan Plana urtero ebaluatzeko prozesua bultzatzea, Gipuzkoako Foru Aldundiaren ebaluaziorako euskarri programan parte hartuz.
Udaletan Plana urtero programatzeko prozesua bultzatzea, Gipuzkoako Foru Aldundiaren ebaluaziorako euskarri programan parte hartuz.
MUGI 21 aplikazioaren bidez eta Udalsarea 21eko adierazleen sistema komunaren bidez tokiko iraunkortasun adierazleen kalkulua dinamizatzea, udalei Udalsarea 21eko idazkaritza teknikoak bultzatzen dituen urteko ebaluazio eta jarraipen programetan parte hartzeko aukera emanez.

Gaur egun irekita dago Tolosaldeko Garapen Iraunkorreko Zerbitzuak eskualde mailako Bulego 21a. Horrek Alkiza, Asteasu, Villabona, Irura, Berastegi, Elduain, Abaltzisketa, Ikaztegieta, Belauntza, Berrobi eta Amezketako udalei ematen die zerbitzua.