Tokiko Ekintza Planen ezarpena urtero ebaluatzen laguntzeko programa

Urtero gauzatzen diren TA21eko ekintza planak ebaluatzen laguntzeko programa Behatokiak urtero Tokiko Agenda 21aren garapenean ari diren udalei doan eskaintzen dien zerbitzu bat da. Programa horren bidez laguntza zerbitzu bat eskaintzen zaie TA21ean murgilduta dauden udalei, horren ezarpen maila aldizka-aldizka ebaluatzeko eta emaitzak hobetzen laguntzeko.

Programan parte-hartzeak kanpoko laguntza jasotzeko aukera ematen die udalei. Kanpoko laguntza horrek Udalsarea 21aren metodologia komuna erabiltzen du eta berak gidatzen eta bideratzen du prozesua; horri zuzentasuna ematen dio, irizpideak homogeneizatzen ditu eta kanpokoaren objektibotasuna ekartzen du ebaluaziora. Programak, halaber, planak ezartzerakoan agertzen diren oztopoak identifikatzen laguntzen du, prozesuak etengabe hobetzea ahalbidetzen du eta udalen eta Foru Aldundiaren ekintzak bideratzen eta optimizatzen ditu.

Programa 2005. urtean sortu zen eta aitzindari izan zen Estatu mailan. Hasiera hartan 9 udalerrik hartu zuen parte eta gaurdaino etengabe sendotuz eta gorpuztuz etorri da. Hala, gaur egun 40 udalerri inguruk parte hartzen dute eta hainbat eskualdek. Gaur egun, 500etik gora udal teknikariek parte hartzen dute programan. Agente horien guztien lanari esker, plan ebaluatuetako 5.000 inguru jarduera ebaluatu ahal izaten dira urteron.

Helburu espezifikoak eta onurak

Ekintza planen gauzatzea ebaluatzeko prozesuaren helburu nagusia planaren ekintza bakoitzean burutu diren jarduerak xehetasunez ezagutzea da. Prozesu horrek, berebat, aukera ematen du udal batek plana onartu duenetik planak urtero-urtero izan duen ezarpen maila zenbakiz adierazteko. Honakoak dira tokiko mailan bere helburu espezifikoak:

Udalerri bateko ekintza planaren ezarpen maila ebaluatzea orokorki, periodikotasun batekin eta urte arteko emaitzak alderatzea, baita udalen emaitzak beren artean erkatzea ere.
Ebaluazioan oinarrituta, ekintza planaren ahultasun eta indar nagusiak identifikatzea, betiere ekintzen tipologiaren, gaien, ekintzaileen eta beste aldagai batzuen arabera. Horrekin guztiarekin planaren gauzatzea optimizatzen dela ahaztu gabe.
Urteroko edo urte anitzeko periodikotasunaz ekintza planaren edukiak eguneratzea edo aldatzea, egindako ebaluaziotik abiatuz eta irizpide teknikoetan oinarrituz.
Planari eman zaion xehetasun mailari dagokionez, plana bera gertuagotik behatu eta plana garaiz eta zuzentasunez ezartzea blokea dezaketen zehaztasun gabeziak zuzendu ahal izatea.
Planaren esparruan gaurdaino burutu diren jardueren bilduma lortzea era argi eta objektiboan, hala egin ezean bere osotasunean ezagutzeko segurtasunik ez bailitzateke egongo.
Udal agenteek Planaren ezarpenean izan duten inplikazio maila ezagutzea.
Planaren gauzatze mailari buruzko informazioa eskuratzea, herritarrei, agente sozial eta ekonomikoei eta, bereziki, bere diseinuan eta/edo jarraipenean parte hartu duten guztiei jakitera emateko.
Barruko hausnarketa prozesua sustatzea, inplikatuta dauden agenteak, Tokiko Agenda 21eko koordinatzailea izan ezik, prozesuan nahastea, beraiek parte diren prozesura gehiago hurbiltzearren.
Gauzatze mailan aurrerapenik ez duten ekintzak identifikatzea, egoera horren arrazoiak baloratuz eta etorkizunean gauzatu ahal izateko konponbideak proposatuz.
Hurrengo urterako ekintza plana programatzea, planean inplikatuta dauden agenteek hurrengo urterako jada asmatu dituzten jarduerekin bat etorriz.

Lurraldeari dagokionez, Programak Aldundiaren ikuspegian eragin nahi du, bera baita bai udalei laguntza ematen dien erakundea, bai lurralde politiken arloko eskuduntzak dauzkana. Aldundiari dagokionez, honakoak dira bere helburu espezifikoak:

Ahal den modurik objektibo eta sistematikoenean, alde batetik, Gipuzkoako udalerrietan ekintza planen ezarpen egoera ezagutzea, eta bestetik, plan horien garapen osorako dauden zailtasun nagusiak zein diren jakitea. Foru Aldundiak gero, bildutako informazio horrekin, iraunkortasunaren politika publikoak ezartzeko berak antolatzen dituen laguntza politikak zuzendu eta doitu ahal izateko.
Gipuzkoako Foru Aldundiak udalei ematen dizkien dirulaguntzen eta udal mailan iraunkortasunaren alde egiten dituen ekarpenen eragingarritasuna neurtzea.
TA21eko prozesuak bistaratzen eta osorik kudeatzen laguntzea.

Laguntzaren ezaugarriak eta irismena

Programak 2 eratako laguntzak ematen dizkie programan parte hartzen ari diren udalei, ekintza planaren gauzatze maila urtero ebaluatzeko:

Behatokia - Ebaluatzeko programa - Laguntza
	LAGUNTZA INTEGRATUA	LAGUNTZA SINPLIFIKATUA
Laguntza hartzen duten udalen ezaugarriak	Ekintza Planaren ebaluazioa lehenbiziko aldiz programa honen babesean ebaluatzen duten udalerriak.	Aurretiazko lehen ebaluazioa laguntza integratuarekin egin duten udalerriak.

Parte hartzeko betekizunak

Honako hauek dira Programan partaide diren udalei eskatzen zaizkien betekizunak:

Udalsarea 21eko kide izatea
Udalaren Osoko Bilkurak, Gobernu Batzordeak,... onartutako Ekintza Plana edukitzea.
MUGI 21 erreminta informatikoan sartuta edukitzea ekintza plana.
Tokiko ekintza plan bat edukitzea gutxienez arlo hauetan ezaugarritua: Ekintza, Ardura, Epea eta Lehentasuna.
Berariaz pertsona bat izendatzea Udalaren barruan prozesuaren koordinazioaz arduratzeko.

Udal parte-hartzaileak

Honakoak dira beren planak Programaren bidez ebaluatu dutenak:

Abaltzisketa, Aduna, Aia, Albiztur, Alkiza, Andoain, Amezketa, Arama, Aretxabaleta, Arrasate, Asteasu, Astigarraga, Azkoitia, Azpeitia, Baliarrain, Beasain, Belauntza, Berastegi, Bergara, Bidegoian, Deba, Debabarrena, Donostia, Eibar, Elgoibar, Errenteria, Goierri, Hernani, Idiazabal, Irura, Itsasondo, Larraul, Legazpi, Oiartzun, Oñati, Ordizia, Orendain, Ormaiztegi, Tolosa, Urretxu, Villabona, Zarautz, Zestoa, Zizurkil, Zumaia, Zumarraga.

Behatokia - Ebaluatzeko programa - Parte hartzeko
	Programan parte hartzeko
Harrremanak	Iker Zubimendi - Tfnoa: 943112078 - E-maila:

Lan-dokumentuak

Hona hemen ebaluaketa prozesurako lan-dokumentuak deskargatzeko: