Eusko Jaurlaritzaren eskumenak

Itzuli

Hiri hondakinei dagokienez, Eusko Jaurlaritzaren eskumenak, ingurumenaren organoaren bitartez gauzatuta, 1998ko otsailaren 27ko EAEko Ingurumena Babesteko 3/1998 Lege Orokorraren 73. artikuluan definituta daude.

73. artikulua. Ingurumenaren organoaren eskumenak

1. Hiri hondakin solidoei dagokienez, eta indarrean dagoen araudia betez, toki erakundeei legozkiekeen eskumenen kaltetan gabe, EAEko ingurumenaren organoari honako hau egokituko zaio, alegia, hiri hondakin solidoen kudeaketaren plangintza orokorraren prestaketa. Era berean, EAEko ingurumenaren organoari 1997ko apirilaren 24ko Ontzien eta Ontzien Hondakinen 11/1997 Legean definitutako kudeaketa sistema integratuen baimen, ikuskatze eta berrestea dagozkio.
2. Era berean, EAEko Ingurumenaren organoari honako hauek dagozkio: • Ingurumen babeseko estandar handiak eta EAEko esparruaren barruko irizpideen bateratasuna bermatzen dituzten hondakinen kudeaketako azpiegituren kokapen, ezarpen eta ustiapen baldintza teknikoen definizioa. • Ingurumen ikuspegi batetik, hondakinen kudeaketako sistema berrien balioztapena.

Itzuli