PIGRUGen alternatibak

Itzuli

PIGRUGek hiru alternatiba ezartzen ditu, azpi-aldagai desberdinekin, zazpirekin, guztira. Horiek guztiek prebentzioan (gutxitze eta berrerabiltzean), balioztapenean (materialean birziklatze eta konpostatzearen bitartez; eta energetikoan biometanizatze edota errausketaren bitartez) eta hondakin gordinen zero isurketan jardun ildo komunak mantentzen dituzte, eta, horietako bakoitza ikuspegi tekniko, ekonomiko eta ingurumen eragin mailakotik zorrotz aztertzen da, tratatu beharreko hiri hondakinen Bizitza Zikloaren azterketa eginez. Hiru alternatibak, tresna desberdinen erabilera konbinatua ezaugarri dutenak honela laburbil litezke:

1. Alternatiba:

Gaika jasotako materia organiko biodegradagarriaren konpostatzea.
Gaika jasotako hondakinetan jasotako materialen, gainontzeko tratamenduen ukatutakoen eta errausketaren zepen birziklatzea.
Multzoan jasotako gainontzeko hondakinen aurre-tratamendu mekaniko biologikoa (AMB), eta %28ko proportzioan deshidratatutako Gipuzkoako Uren Partzuergoko lohiak.
%85eko proportzioan deshidratatuta, Txingudi eta Añarbeko Urak-eko EDAR-etako (Ur zikinen araztegietako) lohien energia berreskuratuz eginiko errausketa, eta gainontzeko tratamenduen ukatutakoena.
Gainontzeko tratamenduetatik datozen lehendik tratatutako hondakinen isurketa, AMBtik datorren egonkortutako materia organikoa eta errausketatik sortu eta bizigabe bihurtutako errautsak barne.

2. Alternatiba:

Konpostatzea, birziklatzea eta isurketa 1. alternatiban bezala tratatzen dira.
Gipuzkoa-Mendebaldetik datozen multzoan bildutako hondakinen aurre-tratamendu mekaniko-biologikoa (AMB), eta %28ko proportzioan deshidratatutako Gipuzkoako Uren Partzuergoko lohiak.
%85eko proportzioan deshidratatuta, Txingudi eta Añarbeko Urak-eko EDAR-etako (Ur zikinen araztegietako) lohien energia berreskuratuz eginiko errausketa, Txingudi eta San Markos-eko Mankomunitateetan multzoan bildutako hondakinena (Gipuzkoa-Ekialdea) eta gainontzeko tratamenduen ukatutakoena.

3. Alternatiba:

Konpostatze eta birziklatzea 1. eta 2. alternatibetan bezala tratatzen dira.
%85eko proportzioan deshidratatuta, Txingudi eta Añarbeko Urak-eko EDAR-etako (Ur zikinen araztegietako) lohien energia berreskuratuz eginiko errausketa, %28ko proportzioan deshidratatutako Gipuzkoako Uren Partzuergoko lohiena, Gipuzkoa osoan multzoan jasotako hondakinena eta gainontzeko tratamenduen ukatutakoena.
Gainontzeko tratamenduetatik datozen eta lehendik tratatutako hondakinen isurketa, errausketatik datozen eta bizigabe bihurtutako errautsak barne.

Plana prestatzerakoan parte hartu duten entitate, organismo eta talde tekniko desberdinek 3. alternatiba beren hiru azpi-aldagaiekin, Gipuzkoako Lurralde Historikorako egokiena dela iritzi zuten, honako faktore espezifiko hauengatik:

Lehen eta bigarren mailako hondakinen portzentaia handiagoa balioztatzen du, kopuru osoaren %96, hain zuzen ere.
Lehendik tratatutako hondakinen kopuru txikiagoa isurtzen du. Isurketarako, hondakinen %4 soilik erabiltzen da.
Aztertutako gainontzeko aukerek baino manipulatze indize txikiagoa du, eta, beraz, ingurumen eta ekonomia ikuspegitik eraginkorragoa da.
Aurreikusitako azpiegiturek gainontzeko alternatibek baino azalera gutxiago eskatzen dute.
Hondakin gutxiago isurtzean, gaur egungo zabortegien bizitza luzatzen da.
Inbertsio txikiagoak eskatzen ditu.

Alternatiba horien azterketaz gain, Planek garraio kostuei eta dauden hiri hondakinen zabortegien bizitza erabilgarriari buruzko azterketa osagarriak jasotzen ditu, baita Europako Batasunaren esparruko udaleko zabor tasen azterketa bat ere.

Itzuli