|
1. FABRIKAZIOA
2. ERAIKUNTZA
3. HANDIZKAKO MERKATARITZA
4. TXIKIZKAKO MERKATARITZA
5. OSTALARITZAREN KASU BEREZIA
6. MERKANTZIEN GARRAIOA
7. ERAIKINEN SUSTAPENA
8. ONDASUN HIGIEZINEN ALOKAIRUA
9. SALMENTA MAKINAK (ELIKAGAIAK, TABAKOA, KAFEA, ETAB.)
10. JOLAS MAKINAK
1. FABRIKAZIOA
Banatutako lokal bakoitzagatik 840 eredu bana aurkeztuko da.
Derrigorrezko elementu tributarioak:
- Langileak (62 laukia)
- kW-ak (60 edota 61 laukia)
- Azalera (50etik 53ra arteko laukiak). Lokal bakartzat hartzen bada, sakabanatutako lokalen batura kalkulatuko da.
2. ERAIKUNTZA
Eremua adierazi behar da beti: udalerria, probintzia, estatua.
1. sekzioaren ondoko epigrafeetan:
- 504.1: "Elektrikariak"
- 504.2: "Iturginak"
- 504.3: "Hotz, bero eta aire girotuaren instalatzaileak"
- 505 talde guztia
Gehienez lau langile badituzte, kontuan hartuko da 90 laukian "1" idatzi behar dela.
3. HANDIZKAKO MERKATARITZA
Jendeari itxita dauden biltegi eta deposituak 840 ereduan aitortzen dira beti, inoiz ez 841 ereduan, biltegi eta deposituen erabilpena handizkako merkataritzaren berezko premia delako.
4. TXIKIZKAKO MERKATARITZA
Lokalaren azalera aitortu behar dute beti, dela 50 eta 51 laukietan, dela 50 laukian bakarrik. 663 taldeko jarduerek ez dute azalerarik aitortu behar lokaletik kanpo egiten direlako.
Jendeari itxitako biltegi eta deposituak 841 ereduan aitortzen dira.
5. OSTALARITZAREN KASU BEREZIA
Ostalaritza jardueretan jarduera bat baino gehiago egiten da normalean. Honako hauek, besteak beste:
- Taberna.
- Jatetxea.
- Tabako salmenta.
- Jolas makinak.
- Taberna jardueragatik:
1. sekzioaren bi epigrafe hauetako batean hartu beharko da alta:
- 673.1 epigrafean: "Kategoria bereziko kafetegi eta tabernak" edo
- 673.2 epigrafean: "Beste kafetegi eta taberna mota batzuk".
673 taldearen ohar komunak ezartzen duenez, talde honetako epigrafeetan (673.1 eta 673.2 epigrafeetan) matrikulatuta dauden subjektu pasiboek ahalmena dute zerbitzuaren xede diren produktuak establezimenduan bertan saltzeko.
Horrek zera esan nahi du: nahikoa dela alta aitorpena taberna jardueragatik bakarrik aurkeztea, jatetxeko epigrafe batean matrikulatu beharrik gabe, baldin eta taberna horretan jatetxe zerbitzua egiteko jantoki edo lokal separaturik ez badago eta janariak emateko erabiltzen diren mahaiak tabernakoak badira, beti ere janariak zerbitzatzea kafetegi edo taberna zerbitzuaren luzapen naturala denean. Aldiz, establezimendu horiek jantokia dutenean eta jantoki hori kafetegi edo taberna zerbitzua egiten den tokitik aparte dagoenean, jatetxe zerbitzua eskaintzen ari dela joko da, eta horren ondorioz, bi zerbitzurengatik ordainduko da zerga, kafetegi edo taberna zerbitzuagatik eta jatetxe zerbitzuagatik (1. sekzioaren 673.2 eta 671 epigrafeengatik, hurrenez hurren.)
- Jatetxe jardueragatik:
1. sekzioaren bost epigrafe hauetako batean hartuko da alta, kategoriaren arabera:
- 671.1 epigrafean: "Bost sardexkako jatetxea".
- 671.2 epigrafean: "Lau sardexkako jatetxea".
- 671.3 epigrafean: "Hiru sardexkako jatetxea".
- 671.4 epigrafean: "Bi sardexkako jatetxea".
- 671.5 epigrafean: "Sardexka bateko jatetxea".
- Jolas makinen jardueragatik:
Jolas makinak instalatzen badira, 804 ereduaren 70 eta 71 laukietan A eta B motatako makinen kopurua adieraziko da hurrenez hurren.
- Tabako salmenta jardueragatik:
Bi egoera gerta daitezke:
- a) Tabako makinarik gabe saltzea. 646.4 epigrafea: "Tabako laboreen txikizkako salmenta, merkataritza establezimenduek errekargodun salmenta baimenekin egina".
- b) Tabako makinen bitartez saltzea.
- b.1) 646.51 epigrafea: "Establezimenduaren titularrak tabako laboreak txikizka saltzea makina automatikoen bidez."
- b.2) Gainera, titularra makinaren jabea bada, 646.52 epigrafea: "Makinaren jabeak tabako laboreak txikizka saltzea makina automatikoen bidez."
Laburbilduz: honako alta aitorpenak aurkeztuko dira 840 eredua erabiliz:
- Lehen 840 eredua: taberna eta jolas makinen jardueragatik.
- Bigarren 840 eredua: jatetxe jardueragatik.
- Hirugarren 840 eredua: establezimenduaren titularrak makinarik gabe zein makinen bidez tabakoa saltzeagatik.
- Laugarren 840 eredua: tabakoa makinen bidez saltzeagatik, titularra makinaren jabea denean.
6. MERKANTZIEN GARRAIOA:
Adierazi beti datu hauek:
- Ibilgailuaren matrikula
- Tonak.
- Eremua.
KASU BEREZIA: lokalaren azalera beste 840 eredu batean adieraziko da.
7. ERAIKINEN SUSTAPENA
Honako alta aitorpenak aurkeztu behar dira:
- Alta bat (840 eredua) eraikinen sustapena egiten den udalerri bakoitzeko. Ordainagiria urtero egingo da eta kuota finkoa ordainduko du.
- Alta bat (840 eredua) metro karratuak saltzen diren urte eta udalerri bakoitzeko. Likidazio bakarra egingo da. Urte batean ez badu ezer saltzen, ez du altarik aurkezten. (SALBUESPENA: jabe-komunitateak desegiteko unean eraikinak esleitzen badituzte, ez dute esleipen horiengatik aitorpen hau aurkeztu behar).
- Alta bat (841 eredua) kudeaketa, zuzendaritza, kontabilitate, informazio eta kontratazio lana egiteko erabiltzen den lokal bakoitzagatik.
Ondoko hauek EZ DIRA lokaltzat hartzen:
- Ondasun higiezinak, hiritarrak zein landatarrak izan, salmenta jardueraren xede direnean.
- Sustatzen diren ondasun higiezinetan kokatutako informazio bulegoak. (Instrukzioaren 6.1.i erregela).
8. ONDASUN HIGIEZINEN ALOKAIRUA
Alokatutako ondasun higiezin guztiengatik alta aitorpen bakarra aurkeztu behar da (840 eredua)
Ondasun higiezin guztien balio katastralak batu behar dira eta emaitza adierazi.
9. SALMENTA MAKINAK (ELIKAGAIAK, TABAKOA, KAFEA, ETAB.)
Jabea bada:
- Eremu estatala.
- Alta bat Estatuan dituen makina guztiengatik.
- Makina kopurua adierazi behar da.
Establezimenduaren titularra bada:
- Udal eremua.
- Alta bat establezimenduaren titular bakoitzeko. Makina kopurua adieraziko da.
10. JOLAS MAKINAK
Jabea bada:
- Eremu estatala.
- Adierazi beti baimen zenbakia, modeloa eta seriea.
- Alta bat makina bakoitzeko.
Establezimenduaren titularra bada:
- Udal eremua.
- Alta bat establezimenduaren titular bakoitzeko. Makina kopurua adieraziko da. (Ikus ostalaritzaren kasu berezia).
|
