Salbuespena jarduera hasteagatik

 Salbuespena eragiketa bolumenaren zenbateko garbia 2.000.000 eurotik beherakoa izateagatik

 Zein subjektu pasibo daude salbuetsita?
 Eragiketa bolumenaren definizioa
 Zein zerga hartzen dira kontuan eragiketa bolumena kalkulatzeko?
 Nork adierazi behar du eragiketa bolumena?
 Nola adierazi behar dute eragiketa bolumena?
 Zein zergalditatik hartzen da eragiketa bolumena?
 Eragiketa bolumena behin kalkulatuta sortzen diren egoerak

Salbuespenaren ezaugarriak:

1. Lehen 2 zergaldietan aplikatzen da.
2. 1., 2. eta 3. sekzioetan aplikatzen da.
3. Jarduera 2003-01-01etik aurrera hasi dutenei aplikatzen zaie.

Esaterako:

• Alta eguna: 2003-01-01. Salbuespenaren amaiera = 2004-12-31.
• Alta eguna: 2003-08-12. Salbuespenaren amaiera = 2004-12-31.

4. Jarduera batean lehenago beste titularitate batekin aritu bada, jarduera horri ez zaiola hasierarik eman ulertzen da; zirkunstantzia hori betetzen dela jotzen da, besteak beste, bategiteak, zatiketak edo jarduera adarren ekarpenak egiten direnean.

Zein subjektu pasibo daude salbuetsita?

Baldintza hau betetzen dutenak:

1. Urteko eragiketa bolumena 2.000.000 eurokoa baino txikiagoa izatea. Salbuespen hori bi kasutan ez da aplikatzen:

Lehenengoa: JEZaren subjektu pasiboak sozietate talde bateko kide direnean Merkataritza Kodearen 42. artikuluari jarraiki. Salbuetsita daude baldin eta taldearen eragiketa bolumena 2.000.000 eurotik beherakoa bada, bestela ez.

Bigarrena: Salbuetsita ez dauden enpresek JEZaren subjektu pasiboen kapitalean parte hartzen dutenean eta partaidetza hori, zuzenean zein zeharka, %25etik gorakoa denean. Alabaina, enpresa horiek Sozietateen gaineko Zergari buruzko 7/1996 Foru Arauaren 59. eta 60. artikuluetan aipatutakoak badira (kapital-arriskuko fondo edo sozietateak edo enpresen sustapenerako sozietateak), subjektu pasiboak salbuetsita egongo dira baldin eta partaidetza hori sozietate horien xede soziala betetzearen ondorio bada.

2. Eragiketa bolumena kalkulatzeko, subjektu pasiboak egindako jarduera ekonomiko guztiak hartuko dira kontuan.

3. Ez-egoiliarren Errentaren gaineko Zergaren zergadunak direnean, eragiketa bolumena lurralde espainiarrean kokatutako establezimendu iraunkorren multzoari egotzi beharrekoa izango da.

Eragiketa bolumenaren definizioa

Ekonomia Itunaren 12/2002 Legean dator definitua.

14. artikuluaren Bi apartatuak hauxe dio zehazki:

Ondasun salmenta eta zerbitzu prestaziotzat joko dira Balio Erantsiaren gaineko Zerga arautzen duen legerian hala definituta dauden eragiketak.
Aurreko ekitaldia urtebetekoa baino laburragoa bada, aurreko Bat apartatuan aipatu den eragiketa bolumena urte osoari dagokiona izango da, ekitaldian egindako eragiketetatik abiatuta.

 

Zein zerga hartzen dira kontuan eragiketa bolumena kalkulatzeko?

JEZaren subjektu pasiboen eragiketa bolumena honako zergak aintzat hartuz kalkulatzen da:

• Egoiliarrak:
  • Pertsona Fisikoen Errentaren gaineko Zerga (PFEZ).
  • Sozietateen gaineko Zerga (SZ).
    
    
• Ez-egoiliarrak:
  
  
• Ez-egoiliarren Errentaren gaineko Zerga (EEEZ).
  

Nork jakinarazi behar du eragiketa bolumena?

Hiru egoera gerta daitezke:

1. JEZaren subjektu pasiboek Gipuzkoan aurkeztea aurreko zergak (PFEZ, SZ edo EEEZ). Horrelakoetan ez dute eragiketa bolumenik jakinarazi behar.

2. JEZaren subjektu pasiboek ez aurkeztea Gipuzkoan aurreko zergak. Hauek derrigorrez jakinarazi behar dute eragiketa bolumena.

3. SALBUESPENA: JEZaren subjektu pasiboak sozietate talde bateko kide direnean Merkataritza Kodearen 42. artikuluari jarraiki.

• Eragiketa bolumena taldeko sozietate nagusiak jakinarazi behar du.
• Sozietate nagusiak ez badu jakinarazten, JEZaren subjektu pasiboak taldeko eragiketa bolumena aitortu beharko du.
  

Nola jakinarazi behar dute eragiketa bolumena?

842 inprimakia erabiliz, hain zuzen ere, Maiatzaen 19ko 533/2003 Foru Aginduak, eragiketa bolumenaren zenbatekoa Jarduera Ekonomikoen gaineko Zergan jakinarazteko 842 eredua onartzen duena.

Laburpen taula:

Zein zergalditatik hartzen da eragiketa bolumena?

1. Errenta Zergaren, Sozietateen gaineko Zergaren edo Ez-egoiliarren Errentaren gaineko Zergaren subjektu pasiboak badira, JEZaren sortzapena gertatu aurreko zergalditik.

2. Sozietate zibiletan eta ZFAOaren 33. artikuluko entitateetan, zerga honen sortzapena gertatu baino bi urte lehenagotik.

Hau da:

Eragiketa bolumena behin kalkulatuta sortzen diren egoerak:

1.      Zenbatekoa 2.000.000 €-koa edo handiagoa bada:

Likidazio edo ordainagiria igorriko da.

2.      Zenbatekoa 2.000.000 €-tik beherakoa bada:

• Aurten salbuetsita dago. Hala ere, gerta daiteke hurrengo urteetan zerga ordaindu behar izatea.
• Salbuespen hau bi kasutan ez da aplikatzen (eta likidazio edo ordainagiria igortzen zaie):
  • Lehenengoa: talde baten barruan dauden sozietateak direnean, taldea ez baitago salbuetsita.
  • Bigarrena: salbuetsita ez dauden enpresek sozietateen kapitalean parte hartzen dutenean eta partaidetza hori, zuzenean zein zeharka, %25etik gorakoa denean. Alabaina, enpresa horiek kapital-arriskuko fondo edo sozietateak badira edo enpresen sustapenerako sozietateak izanez gero, sozietateak salbuetsita egongo dira baldin eta partaidetza hori sozietate horien xede soziala betetzearen ondorio bada..

3.      Eragiketa bolumenik gabe:

• Honek esan nahi du PFEZ, SZ edo EEEZ ez direla Gipuzkoan aurkezten eta subjektu pasiboak ez duela eragiketa bolumenik jakinarazi.
• Salbuetsita dagoela jakinarazi beharko du. Ez badu jakinarazten --> Likidazio edo ordainagiria egingo da.