ZERGA KANPAINAK Ondasun higiezinen gaineko zerga

GALDERA OROKORRAK

1. Konturatu naiz batzuetan katastroan titular bakarra agertzen dela kotitular batek baino gehiagok agertu behar zutenean? Zergatik da hori? 2. Finka baten titularitatea aldatzea. Zein inprimaki bete behar dut? 3. Zein dira OHZren inprimakiak? 4. Non eros ditzaket inprimakiak? 5. Non aurkez ditzaket inprimakiak? 6. Ordainagiria helbideratzea. Non egiten da? 7. Erreklamazio bat aurkeztu nahi dut. Non? 8. Nork ordaindu behar du zerga? 9. Nork ordaindu behar du ordainagiria? Noren izenean agertuko da? 10. Zein dira OHZren hobariak? 11. Sustatzailea naiz eta gutxi barru 20 etxebizitza eraikiko ditut Tolosan. Ba al daukat sustatzailearen hobarirako eskubiderik? 12. Hobari bat eskatu dut. Noizko izango du eragina? 1. KONTURATU NAIZ BATZUETAN KATASTROAN TITULAR BAKARRA AGERTZEN DELA KOTITULAR BATEK BAINO GEHIAGOK AGERTU BEHAR ZUTENEAN? ZERGATIK DA HORI? 1995. urtera arte, Foru Ogasunean jasotzen zen informazioa titular bati bakarrik zegokion. Urte horretatik aurrera, kotitularrei buruzko informazioa ere hasi ginen sartzen, eta harrez gero etengabe eguneratzen dugu eskura dauzkagu datuen arabera. Finka baten kotitularren datuak eguneratu behar badituzu, salerosketa eskritura Foru Ogasuneko edozein bulegotan edo dagokion Udaletxean aurkeztu behar da. 2. FINKA BATEN TITULARITATEA ALDATZEA. ZEIN INPRIMAKI BETE BEHAR DUT? U6 EREDUA – TITULARITATEAREN ALDAKETA Dena den, 12/1989 Foru Arauak 18.3 artikuluan ezartzen duenez, zilegi izango da tramite hori ez betetzea aldaketak egiteko kontuan hartuko diren dokumentuak interesatuak Zerga Administrazioari aurkeztutako edozein aitorpenetan emandakoak ez beste direnean. Hortaz, lehenago beste aitorpen bat aurkeztu baduzu, ondare eskualdaketen eta egintza juridiko dokumentatuen gaineko zergarena adibidez, ez duzu tramite hori bete beharrik izango. 3. ZEIN DIRA OHZren INPRIMAKIAK? Zerga ereduak 4. NON EROS DITZAKET INPRIMAKIAK? Inprimakien salmenta 5. NON AURKEZ DITZAKET INPRIMAKIAK? Foru Ogasuneko edozein bulegotan edo zure Udaletxean. 6. ORDAINAGIRIA HELBIDERATZEA. NON EGITEN DA? NON?: edozein banku edo aurrezki kutxatan, Foru Ogasuneko zerga bulegoetan, edo zure Udaletxean. NOIZ?: errolda itxi baino lehen, gutxi gorabehera apirilaren bukaera aldean, ondorioak urte barruan izan ditzan. Eskaera gero aurkezten bada, hurrengo urtean sortuko ditu ondorioak. 7. ERREKLAMAZIO BAT AURKEZTU NAHI DUT. NON? Datuak gaizki egoteagatik erreklamatzen bada: Udaletxera joan behar duzu edo Foru Ogasuneko edozein bulegotara hurbildu, eta finkaren eskritura aldean eraman. Hori gaizki badatorkizu, idatziz erreklama dezakezu zuzendu beharreko datuak jasotzen dituen eskrituraren fotokopia, planoak, argazkiak edo beste edozein frogagiri erantsiz. Erreklamazioa balioaren aurkakoa bada, datuak zuzenak izanik: onena idatziz erreklamatzea da, zergatik ez zauden ados bertan azalduz. Zure Udaletxera ere joan zaitezke, edo Foru Ogasunak Donostiako Okendo kalean duen bulegora hurbildu. 8. NORK ORDAINDU BEHAR DU ZERGA? Zergaren sortzapena zergaldiko lehen egunean gertatzen da. Beraz, urtarrilaren 1ean titular denak ordainduko du zerga. Adibidez: etxebizitza urtarrilaren 5ean erosten badut, zerga ez dut nik ordaindu behar, urtarrilaren 1ean finkaren titular denak baizik. 9. NORK ORDAINDU BEHAR DU ORDAINAGIRIA? NOREN IZENEAN AGERTUKO DA? Emakida administratiboa badago, emakidadunak ordaindu behar du, eta haren izenean agertuko da. Azalera eskubidea eratu bada, hemen ere eskubidearen onuradunak ordainduko du, eta haren izenean agertuko da. Usufruktua  badago, usufruktua daukanak ordainduko du. Ordainagiria bere izenean agertuko da. Gainerako kasuetan, jabeak ordainduko du, eta ordainagiria bere izenean agertuko da. 10. ZEIN DIRA OHZren HOBARIAK? Sustatzailearen hobaria. Babes Ofizialeko Etxebizitzen hobaria. Familia ugariaren hobaria. Aprobetxamendu termiko edo elektrikorako instalazioen hobaria. Hutsik dauden etxebizitzen programari dagokion hobaria. Ikusi hobariak 11. SUSTATZAILEA NAIZ ETA GUTXI BARRU 20 ETXEBIZITZA ERAIKIKO DITUT TOLOSAN. BA AL DAUKAT SUSTATZAILEAREN HOBARIRAKO ESKUBIDERIK? Hobariak Udalaren Ordenantza fiskalean  jasota egon behar du. Tolosako Udalak %50eko hobaria aplikatzea erabaki du. Beraz, 12/1989 Foru Arauaren 15. artikuluak aipatzen dituen gainerako baldintzak betetzen badituzu, ezarritako epean %50eko hobaria izango duzu. 12. HOBARI BAT ESKATU DUT. NOIZKO IZANGO DU ERAGINA? Normalean, ematen diren salbuespen eta hobariek eskaera egin ondorengo zergalditik aurrera izaten dute eragina. Adibidez: hobaria 2005ean eskatzen baduzu, 2006ko ordainagirian izango du eragina.