2001eko apirilaren 1ean 2000ko errenta eta ondarea aitortzeko kanpaina abiatzen da. Oraingo honekin bost kanpaina dira jada Gipuzkoako Foru Aldundiak web orri berezi bat jartzen duela Interneten zergadunen esku.

Komunikazio bide honi Aldundiak zenbateko garrantzia ematen dion ikusi eta erabiltzaileen erantzuna nolakoa izan den jakin dezazuen, bi datu emango dizkizuet: 2000ko bigarren hiruhilekoan, hau da, errenta eta ondarearen iazko kanpaina egin zen bitartean, 26.293 lagun izan genituen bisitari gure web orrian eta guztira 515 kontsulta tributario erantzun genituen posta elektronikoa erabiliz, guztiak ere e-mailez jasoak.

Teknologia berrien gero eta zabalkunde handiagoak aurreko urteko zifrak berriz ere gainditzea ekarriko du berekin.

Eskaintzen dugun informazio guztiaz gainera, aurten ondoko hau da aipagarri:

• Araudia eguneratua, zergen sortzapen egunean jarri dena.
• Laguntza programa informatikoak.
• Kontsultak egiteko buzoia.
• Zergadun jakin batzuei postaz bidalitako likidazio proposamenak.
• Aitorpen mekanizaturako hitzordua eskatzeko aukera.

Donostian, 2001eko otsailaren 10ean Antton Marquet Artola Ogasuneko eta Finantzetako foru diputatua