Aitorpenak

Modalitate honek bi zergak aitortzeko balio du:
  • Pertsona Fisikoen Errentaren gaineko Zerga.
  • Ondarearen gaineko Zerga.
Non aurkeztu

 

Zergadunak aitorpenak transmititzeko baimenduta dauden pertsona edo entitateengana jo behar du. Gipuzkoako Foru Ogasunak balidatutako aplikazio informatikoa erabiltzen dute horiek.

Honako hauek dira aitorpenak transmititu ditzaketen pertsona edo entitate baimenduak:

    • Profesional tributarioak: 200etik gora dira lau urtetik hona sistema hau erabiltzen ari diren aholkulari eta kudeatzaileak.

    • Lankidetza hitzarmen bat izenpetu duten finantza entitateak.

Profesional tributarioari buruz informazio gehiago lortzeko, deitu 943 483 079 telefonora.

 
Prozedura

 

1) Profesional tributarioak aplikazio informatiko bat erabiliz lortuko du zergadunaren autolikidazioa. Horretarako, zergadunak honako agiriok eman beharko dizkio:

    • Sarreren, gastuen, murrizpenen, kenkarien eta abarren frogagiriak.
    • Kontu korrontearen zenbakia (bezeroaren kontu kodearen 20 digituak) autolikidazioaren emaitza helbideratzeko.

2) Zergadunaren adostasuna jaso eta gero, profesionalak bide telematikoz igorriko dio aitorpena Gipuzkoako Foru Ogasunari.

3) Egun batzuk igaro ondoren, profesionalak Foru Ogasunean entregatuko ditu aitorpenaren frogagiriak.

 
Autolikidazioaren emaitza

 

A) Pertsona Fisikoen Errentaren gaineko Zerga

ORDAINTZEA:

Helbideratzea derrigorrezkoa denez, zerga zorraren zenbateko osoa zergadunak aukeratutako kontuan kargatuko da.

Ordainketa bi modutara egin daiteke, zatika edo zatitu gabe:

      • Zergadunak ez badu ordainketa zatikatzen, 2001eko ekainaren 25ean kargatuko zaio zorra bere kontuan.
      • Zergadunak zorraren ordainketa zatikatzea aukeratzen badu, bi kargu egingo zaizkio:
        • Lehena, zorraren %60a, 2001eko ekainaren 25ean.
        • Bigarrena, %40a, 2001eko azaroaren 10ean.

ITZULTZEA:

Helbideratzea derrigorrezkoa denez, itzulketaren zenbatekoa zergadunaren kontuan ordanduko zaio. Tramite hau oso epe laburrean egingo da. Datu aipagarri modura, esan daiteke iazko kanpainan itzulketen %90 profesional tributarioak frogagiriak aurkeztu ondorengo 7 egunak igaro baino lehen egin zirela.

B) Ondarearen gaineko Zerga

ORDAINTZEA:

Helbideratzea derrigorrezkoa denez, zerga zorraren zenbateko osoa 2001eko ekainaren 25ean kargatuko da zergadunak aukeratutako kontuan.