Gutxi barru errenta eta ondarea aitortzeko kanpaina hasiko da berriz ere. 2003ko zerga ekitaldiari dagokiona 2004ko apirilaren 26an abiatuko da, nahiz eta zergadun batzuek, hain zuzen ere, errenta zergaren likidazio proposamena postaz jasotzen dutenek, astebete lehenago onartu ahal izango duten, dela telefonoz dela internet bidez.

Aurreko urteetan bezala, errenta eta ondarearen urteko aitorpenak aurkeztea errazagoa izan dadin, Gipuzkoako Foru Ogasunak eduki informatibo eta telematikoak biltzen dituen webgune bat argitaratzen du Interneten, Gipuzkoako zergadun eta profesional tributarioei zuzendua.

Ohiko apartatuez gain (araudia, programak, eskuliburuak, etab...), nabarmentzekoa da kanpainan zehar honako zerbitzu telematikoak eskaintzen direla:

• Errenta mekanizaturako hitzordua eskatzea.
• Zergadun jakin batzuei postaz bidalitako likidazio proposamenak onartzea.
• Laguntza programak jaistea.
• Errenta eta ondare aitorpenak internet bidez aurkeztea.
• Itzulketen egoerari buruz galdetzea.
• Zerga kontsultak egitea.

Azkenik, azpimarratu behar da zergadunak lehen aldiz sartu ahal izango direla Foru Ogasunak haiei buruz duen zerga informazioan. Era horretan, errenta aitorpena aurkezteko obligazioa betetzen laguntzen dugu, aitorpenean sartu behar den informazioa eskura jartzen dugulako: errentak, atxikipenak, gastuak, eta abar. Hori bai; informazio hori jasotzeko, zergadunak webgunean identifikatu beharko du bere burua gure bulegoetan aldez aurretik emango zaion pasahitza sartuz.