Aitorpenak

Modalitate honen bidez Pertsona Fisikoen Errentaren gaineko Zergaren aitorpenak baino ezin dira aurkeztu.

 

Non aurkeztu


Errentaren aitorpen mekanizatua aurkezteko, hitzordua eskatu behar da aldez aurretik. Bi modutara egin daiteke hori:

Hauxe aukeratuko da orduan:

  • Errenta mekanizatuko bulegoa.
  • Aitorpena aurkezteko eguna eta ordua.

Zein bulego dagokion Gipuzkoan eratu diren Errenta Mekanizatuko hamabi Bulegoen artean aukeratuko da. Aukeratzeko irizpidea zergaduna bizi den herriarena da, ondoko taularen arabera.

Bulegoa

Udalerria

Helbidea

Zergaduna bizi den herria

1

Azpeitia

Jose Artetxe kalea, 3

Aizarnazabal, Azkoitia, Azpeitia, Beizama, Bidegoian, Errezil, Zestoa, Zumaia.

2

Beasain

Urbialde kalea, 1

Altzaga, Arama, Ataun, Beasain, Ezkio-Itsaso, Gabiria, Gainza, Idiazabal, Itsasondo, Lazkao, Legazpi, Mutiloa, Olaberria, Ordizia, Ormaiztegi, Segura, Urretxu, Zaldibia, Zegama, Zerain, Zumarraga.

3

Bergara

Toki Eder plaza, 5

Antzuola, Aretxabaleta, Arrasate-Mondragón, Bergara, Elgeta, Eskoriatza, Leintz-Gatzaga, Oñati.

4

Eibar

Arragueta kalea, 2

Deba, Eibar, Elgoibar, Mendaro, Mutriku, Soraluze-Placencia de las Armas.

5

Hernani

Latxunbe Berri kalea, 8-9

Andoain, Astigarraga, Hernani, Lasarte-Oria, Urnieta.

6

Irun

Geltoki kalea, 5-7

Hondarribia, Irun.

7

Tolosa

San Frantzisko kalea, 45

Abaltzisketa, Aduna, Albiztur, Alegia, Alkiza, Altzo, Amezketa, Anoeta, Asteasu, Baliarrain, Belauntza, Berastegi, Berrobi, Elduain, Gaztelu, Hernialde, Ibarra, Ikaztegieta, Irura, Larraul, Leaburu, Legorreta, Lizartza, Orendain, Orexa, Tolosa, Villabona, Zizurkil.
8
 Errenteria Santa Klara enparantza, 2 Lezo, Oiartzun, Pasaia eta Errenteria

9

Donostia

Errotaburu pasalekua, 2

Donostia: Igeldo, Ibaeta, Añorga, Antiguo, Aiete

10

Donostia

Antso Jakituna hiribidea, 9

Aia, Getaria, Orio, Usurbil, Zarautz, Amara Berria eta Amara Zaharra (Donostia).

11

Donostia

Sekundino Esnaola kalea, 10-12

Donostia: Alza, Egia, Gros, Intxaurrondo eta Bidebieta.

12

Donostia

Okendo kalea, 20

Donostia: Mirakontxa, Zentroa, Alde Zaharra, Loiola, Martutene eta Besteak.

 
Nork egin dezake aitorpen mekanizatua

Edozein motatako errentak lortu dituzten zergadunek erabil dezakete aitorpen mekanizatuaren modalitatea. Honako hauek salbuesten dira:

  • Jarduera ekonomikoen etekina zuzeneko zenbatespenaren modalitate arruntaren bitartez kalkulatzen duten zergadunak, eta etekin hori zuzeneko zenbatespenaren modalitate erraztuaren bitartez kalkulaturik, Errenta Zergaren Foru Arauak 78. artikuluan inbertsioengatik eta bestelako jarduerengatik jasotako kenkarietara biltzen direnak

  • Errenta egozpenak lortzen dituzten zergadunak (gardentasun fiskala eta paradisu fiskaletako inbertsio kolektiboa).

  • Eskualdaketen ondorioz ondare irabazi edo galerak izan dituzten zergadunak, zergaldian egindako eskualdaketen zenbateko osoa 30.000 eurotik gorakoa denean.

  • Zergaldiaren barruan bost ondare eskualdaketa baino gehiago egiten dituzten zergadunak.
Prozedura

  • Errenta mekanizatuko bulegoetan autolikidazioa egiten lagunduko zaio zergadunari.

  • Zergadunaren arreta zerbitzua hobetu egin da: teknikari gehiago, baliabide informatiko gehiago, arreta pertsonalizatua. Horrek berekin dakar itxaroteko denbora murriztea, gardentasuna handiagoa izatea eta, azken batean, zerbitzu hobea eskaintzea Gipuzkoako zergadunei.

  • Bulegora joatean, hauxe baino ez da eraman beharko:

    • Sarreren, gastuen, murrizpenen, kenkarien,... frogagiriak.

    • Kontu korrontearen zenbakia (bezeroaren kontu kodearen 20 digituak) autolikidazioaren emaitza helbideratzeko.

  • Enpresari eta profesionalek behar bezala beteta eraman behar dituzte Bulegora estankoetan erosiko diren ondoko eranskinak:

    • Jardueraren etekinari buruzko eranskina. Erabili den zenbatespen eregimenaren arabera, hauetako bat izango da:

      * 5. eranskina – Zeinu, indize eta modulu bidezko zenbatespen objektiboa.
      * 6. eranskina – Zuzeneko zenbatespen erraztua.

    • Ondare aitorpena egiteko 7. eranskina. Hau ez da aurkeztu beharko Ondarearen gaineko Zergaren aitorpena aurkezten denean edo jarduera ekonomikoa hasi den lehen bi urteetako bat 2003. urtea denean.

  • Beste pertsona bat baimendu nahi bada autolikidazioa zergadunaren ordez aurkez dezan, derrigorrezkoa da baimendutako pertsonak baimena erakustea eta bien NA aurkeztea. Baimenaren eredu gisa baliagarria da ondoko dokumentua inprimatuz lortzen dena:
Autolikidazioaren emaitza

 

ORDAINTZEA:

Helbideratzea derrigorrezkoa denez, zerga zorraren zenbateko osoa zergadunak aukeratzen duen kontuan kargatuko da.

Ordainketa bi modutara egin daiteke, zatika edo zatitu gabe:

  • Zergadunak ez badu ordainketa zatikatzen, 2004ko ekainaren 30ean kargatuko zaio zorra bere kontuan.
  • Zergadunak ordainketa zatikatzea aukeratzen badu, bi kargu egingo zaizkio:
    • Lehena, zorraren %60a, 2004ko ekainaren 30ean.
    • Bigarrena, %40a, 2004ko azaroaren 10ean.

ITZULTZEA:

Helbideratzea derrigorrezkoa denez, itzulketaren zenbatekoa zergadunaren kontuan ordainduko zaio. Autolikidazioa aurkeztu eta hurrengo lau egunen barruan itzuliko da dirua.