Laugarren urtez segidan, zergadun jakin batzuek Gipuzkoako Foru Ogasunak prestatutako likidazio proposamena jasoko dute postaz. Bidaltzen den egunean eskura dagoen zerga informazioan oinarrituko da proposamena.

Baldintza jakin batzuk betetzen dituzten zergadunei iritsiko zaie. Hauek dira aipagarrienak:

• Aurreko urteetan errenta aitorpena edozein modalitatetan egitea.
• Likidazioaren emaitza itzultzekoa izatea.
• Beren errenten profila honako hau izatea: lanaren etekinak, kapital higikorraren etekinak (dibidenduak, kontu korronteen eta bestelako produktu finantzarioen interesak, bizitza edo elbarritasun aseguruak eta Altxorreko Letren edo bestelako aktibo finantzarioen eskualdaketak), inbertsio fondoetako partaidetzak eskualdatzeagatik sortutako ondare irabaziak, BGAEei egindako ekarpenen murrizpenak, eta aplika daitezkeen kenkariak (ondorengo ahaideengatik, ezindua izateagatik, edo ohiko etxebizitzan maileguen bidez eta etxebizitza-kontuen bidez inbertitzeagatik).

Likidazio proposamena jaso ondoren, bi aukera daude:

• Onartzea: likidazio proposamenari ongi irizten bazaio, espresuki adierazi beharko da ezarrita dagoen epearen barruan, bi bide hauetako bat erabiliz:
  
  
• Telefonoa, 902 100 040 zenbakira deituz
• Internet

• Adostasuna ematen den unean, eta segurtasun arrazoiak direla eta, bi datu hauek eskatuko dira: zergadunaren IFZ eta proposamenaren arabera itzuli behar den zenbatekoa.
  
  
• Ez onartzea: likidazio proposamenean ageri ez diren errentak jaso badira edo bertan aipatu ez diren gastu edo kenkarietarako eskubidea edukiz gero, aitorpena aurkeztu beharko da beste edozein modalitate erabiliz. Nolanahi ere, modalitate mekanizatua aukeratzea gomendatzen da.
  

Likidazio proposamena etxean jasotzen duten zergadunek:

• Aurrez ezagutzen dute likidazioaren emaitza.
• Ados egonez gero, inora joan gabe kobratu dezakete itzulketaren zenbatekoa.